“Siz güldünüz, o etibarını itirdi” – FOTO
Türkiyə “Mərmərə” universiteti İlahiyyat fakultəsinin müəllimi Bilal Yorulmaz kinonun yeni bir din yaratdığını bildirib. ANS PRESS-in məlumatına görə, Yorulmaz bu fikirlərini Türkiyənin dini komitəsi “Diyanet”in eyni adlı jurnalındakı məqaləsində yazıb. Fikirlərinə “Star Wars” (Ulduz Müharibələri) filmindəki jedi döyüşçülərini nümunə göstərən Bilal Yorulmaz bildirib ki, bu gün də jedizm dini xristian cəmiyyətlərdə sürətlə yayılmaqdadır. Din alimi həmçinin Avstraliyada 70 000, İngiltərədə isə 390 000 nəfərin özünü jedi kimi təqdim etdiyini bildirib.
Türk filmlərini də tənqid edən Yorulmaz, xüsusilə cümhuriyyət dövründə dini obrazların gülüş obyektinə çevrildiyini bildirib.
“Cümhuriyyətin ilk illərindən dindar obrazlar yalançı, saxtakar, ehtiras düşkünü, vətən xaini kimi göstərilir. Muhsin Ertuğrulla (teatr aktyoru, rejissor) başlayan bu mənfi mövqe sonrakı illərdə də davam edib. Bu filmlərdə dindar və ya din xadimləri kənd ağasının tərəfini saxlayan, onun xalqı əzməsinə kömək edən, ya da ev sahibi olaraq kirayəşininə zülm edən insanları kimi göstərilir...”
1960-cı ildə 3 000 körpəyə Şaban adı verildiyini qeyd edən yazar, “Hababa sınıfı” filmindəki inək Şaban obrazının təsiri ilə 2009-cu ildə sadəcə 113 nəfərin öz uşağına bu adı qoyduğunu bildirib.
Mənbə: ANSPRESS
