Bakıda avtobus sürücüsü qolunu kəsdi və... sükan arxasına keçdi

Dünən səhər saat 08:20 radələrində "Neftçilər"dən Bakıxanov istiqamətinə hərəkət edən 76 nömrəli sərnişin avtobusunun sürücüsü sol qolunu “lezva” ilə kəsib.

Şahidlərin sözlərinə görə, sürücü qolundan qan axa-axa avtobusu çox sürətlə idarə etməyə davam edib. Sürücünü o vəziyyətdə görən sərnişinlərdən birinin halı pisləşib.

Daha sonra sürücü Bakıxanov qəsəbəsi yaxınlığında sərnişinləri yolda avtobusdan düşürüb, digər sürücü ilə yola davam edilib.

Sərnişinlərdən bəziləri musavat.com-a müraciət edərək, bu məsələnin ictimailəşməsini və əqli sağlamlığı yerində olmayan sürücülərin idarə etdiyi avtobuslardan istifadə etmək istəmədiklərini bildiriblər.