Bakıda avtobus sürücüsü tutuldu

Bakı şəhərində piyadanı vuraraq hadisə yerindən qaçan avtobus sürücüsü saxlanılıb.

Bakı şəhər Baş Polis İdarəsindən ANS PRESS-ə verilən məlumata görə, əməliyyat Qaradağ rayon Polis İdarəsinin 10-cu polis bölməsi əməkdaşları tərəfindnə keçirilib.

Keçirilən əməliyyat-axtarış tədbirləri nəticəsində, dekabrın 18-də saat 18:20 radələrində Lökbatan qəsəbəsində Bakı şəhər sakini, 1988-ci il təvəllüdlü Binadar Cəfərovu vuraraq hadisə yerini tərk edən Bakı şəhər sakini, 1964-cü il təvəllüdlü Əfqan Sadıkovun idarə etdiyi “İsuzu” markalı 205 saylı sərnişin avtobusu müəyyən olunaraq saxlanılıb.

Faktla bağlı araşdırma aparılır.