DİN "Puma"larla maraqlanır – VİDEO

Gürcüstanın baş naziri İrakli Qaribaşvili ölkəmizə səfəri çərçivəsində bu gün Bakıda keçirilən ADEX-2014 Beynəlxalaq Müdafiə Sənayesi sərgisinə baş çəkib. Müdafiə sənayesi naziri Yavər Camalov baş nazirə Azərbaycanın istehsal etdiyi silah, döyüş sursatı, hərbi texnika ilə bağlı məlumat verib.

Daxili İşlər Nazirliyi Birləşmiş Ərəb Əmirilklərindən zirehli döyüş maşınları ala bilər. Bu barədə ANS TV-ə Streit qrupun satış meneceri Marat Takabayev məlumat verib.

“Bu gün Azərbaycandan olan nümayəndə heyəti bizim stendlə maraqlandı. Onlar Azərbaycan polisi üçün Puma avtomobilləri ilə maraqlanırdılar. Hələ danışıqların ilkin mərhələsidir. Ona görə də bu mövzuda əlavə proqnoz vermək istəmirəm”- deyə satış meneceri əlavə etdi.