Hərbçilərimiz beynəlxalq tədbirlərdə iştirak edəcək

Aprelin 6-da Bakıda sağlamlıq sahəsində təlim və əməkdaşlıq konfransı, aprelin 6-dan 8-dək İstanbulda hidroqrafiya və okeanoqrafiya mövzusunda əməkdaşlıq iclası, aprelin 6-dan 17-dək Pakistanın Kəraçi şəhərində kiçik zabitlər üçün taktika kursu, ABŞ-ın Nyuport şəhərində “Kölgə fakültə” təşəbbüsü çərçivəsində təcrübə mübadiləsi, aprelin 6-dan iyulun 17-dək Rumıniyanın Rımniku-Vılça şəhərində partlayıcı maddələrin zərərsizləşdirilməsi üzrə təməl kursu keçiriləcək.

Oxu.Az Müdafiə Nazirliyinin məlumatına istinadla xəbər verir ki, tədbirlərdə Azərbaycan Respublikasının Silahlı Qüvvələrinin nümayəndələri iştirak edəcəklər.