ABŞ və Cənubi Koreya 230 təyyarənin iştirakı ilə ən böyük hərbi təlimlərə başlayır

Təlimlərə ABŞ-a məxsus altı ədəd F-22 gözəgörünməz qırıcıları da cəlb olunacaq
ABŞ və Cənubi Koreya KXDR-nin raket sınaqları fonunda tarixin ən böyük hərbi təlimlərinə başlayır.
“Report” RİA "Novosti"yə istinadən xəbər verir ki, "Vigilant ACE" kod adı altında keçiriləcək təlimlərə təqribən 230 təyyarə, o cümlədən Amerikanın altı "F-22" gözəgörünməz qırıcıları cəlb olunacaq.
Cənubi Koreya Müdafiə Nazirliyinin məlumatına görə, təlimlərdə məqsəd Vaşinqton və Seul hərbi alyansının Şimali Koreya təxribatlarına qarşı iradə və bacarıqlarını nümayiş etdirməkdir.