Azərbaycanın ilk sərhədçi pilot qadını – VİDEO

Dövlət Sərhəd Xidməti (DSX) ilk sərhədçi qadın pilot Dilarə Babayevanın xatirəsinə həsr olunmuş videoçarx hazırlayıb.

Lent.az xəbər verir ki, mərhum pilotun xidmətini əks etdirən videoçarx DSX-nin “YouTube” səhifəsində yerləşdirilib.

Qeyd edək ki, DSX-nin Aviasiya dəstəsinin ilk qadın pilotu olan D.Babayeva xidmət dövründə qurum rəhbərliyi tərəfindən təltif olunub. O, “Mi-17” helikopterini idarə edib.

Onu da bildirək ki, baş leytenant D.Babayeva 2016-cı ilin avqust ayında doğuş zamanı dünyasını dəyişib.