Azərbaycanın hərbi və iqtisadi gücü – STATİSTİKA

Azərbaycan hərbi və iqtisadi potensialını artırmaqda davam edir.

AzNews.info-nun verdiyi xəbərə görə, dünyanın əsas geosiyasi araşdırma mərkəzlərindən biri olan NationMaster-in rəsmi veb səhifəsində bu açıq aydın görünür. Belə ki, dünya ölkələrinin hərbi büdcəsinə görə sıralamasında ölkəmiz 95 ölkə arasında 28-ci yerdə qərarlaşıb. 7.5 milyard hərbi büdcəsi olan Azərbaycan Misir, Venesuela, Ukrayna, Portuqaliya kimi dövlətləri geridə qoyub. Həmsərhəd ölkələr Ermənistan və Gürcüstanın hərbi büdcələri isə müvafiq olaraq 405 və 905 milyon dollar civarında göstərilir. İqtisadi qüdrətinə görə də Azərbaycan 235 ölkə arasında 70-ci pillədə dayanır. Gürcüstan bu siyahıda 112, Ermənistan isə 139-cu yerdə qərarlaşıb. Əhalinin artım tempinə görə də Azərbaycan bir sıra MDB dövlətlərini geridə qoyur.