Rusiya tankçıları Ermənistanda yarışa başladılar

Ermənistan Respublikasında yerləşən Rusiyanın Cənubi Hərbi Dairə (CHD) bazasında, yüksəklikdə yerləşən “Alagöz”təlim-məşq kompleksində tank ekipajlarının “Tank biatlonu”- “Tank sprinti” üzrə ordu yarışlarının elementlərindən biri üzrə təlimləri başlayıb.

Oxu.Az CHD-nin mətbuat xitmədinə istinadən xəbər verir ki, iki həftə ərzində davam edəcək təlimlərə 100 hərbçi cəlb edilib.

T-72B tankının ekipajları yüksək dağlıq və isti iqlim şəraitində - slalom (ilan), çay keçidi, təpə (sərt yoxuş), körpü, tank əleyhinə çuxur, maneələrin dəf edilməsi, spirint bacarıqlarını öyrənəcəklər.

Atəş hazırlığında tankçılar 125 mm-lik avtomatik topun sürətli doldurulmasını, peyda olan hədəflərin aşkar edilməsini və 1,5-2 min metr məsafədə olan hədəflərin dəqiq məhv edilməsi üzrə məşqlər keçəcəklər.