İraq ordusu “İslam dövləti”nə hücuma keçdi

İraqın dövlət ordusu “İslam dövləti” yaraqlılarının Anbar əyalətinin qərbində mövqelərinə irimiqyaslı hücuma keçiblər.

AzNews.info İnterfaks-a istinadən xəbər verir ki, İD bu əyalətin mühüm bir hissəsini, o cümlədən də onun paytaxtı Ramadini 2014-cü ilin yanvar-may aylarında işğal edib. İraq qoşunları bir neçə dəfə onu öz nəzarətləri altına qaytarmağa çalışıblar, amma məğlubiyyətə uğrayıblar.

Birləşmiş İraq komandanlığının nümayəndəsi general Yahya Rasulun sözlərinə görə, islamçılara qarşı sünni və şiələrin hərbiləşdirilmiş qurumunun dəstəyi ilə yeni hücum bu gün səhər başlanıb. Bununla yanaşı, Rasul ABŞ koalisiyasının rəhbərlik etdiyi HHQ-nın hücumlarda iştirak edib etməyəcəyini dəqiqləşdirməyib.