Gürcüstan Azərbaycanı erməni-gürcü forumuna dəvət edir

Hüquqi əməkdaşlığa dair erməni-gürcü forumu hansısa təsadüfi görüşlər keçirməyə deyil, eləcə də forumun daha da zəngin, regional olmasına vasitəçi olacaq və burada yalnız Gürcüstan və Ermənistan deyil, eləcə də Azərbaycan, Ukrayna, Moldova, Litva, Latviya, Estoniya iştirak etsin.

Oxu.Az news.am-a istinadən xəbər verir ki, bu barədə iyun ayının 25-də erməni-Gürcüstan forumu çərçivəsində keçirilən mətbuat konfransında Gürcüstanın ədliyyə naziri Tea Tsulukiani bəyan edib.

Onun sözlərinə görə, bu, Ermənistan və Gürcüstan ədliyyə nazirləri üçün tarixi görüşdür, çünki keçən ilin mart ayında Tbilisidə nazirliklər arasında əməkdaşlığa dair memorandum imzalanmışdı.

“Memorandum islahatların yeni istiqamətlərini müəyyənləşdirdi. Tbilisidə Ermənistanın ədliyyə naziri erməni-gürcü hüquqi forumunu yaratmaq təşəbbüsü ilə çıxış etdi və biz praktiki olaraq bu unikal formatı yaratmışıq, çünki biz eyni hüquqi irsə sahibik, biz bəzən bununla mübarizə aparırıq”, - Tea Tsulukiani qeyd edib.