Dəmirəlin ölüm xəbərini verən həkimi ağladı – VİDEO

Türkiyənin sabiq prezidenti Süleyman Dəmirəlin ölüm xəbəri şəxsi həkimi tərəfindən də təsdiqlənib.

ANS PRESS-in məlumatına görə, bir müddət əvvəl Türkiyənin 9-cu prezidenti Süleyman Dəmirəlin yayılan ölüm xəbərini əsassız sayan həkimi bu dəfə jurnalistlərə açıqlamasında xəbərin doğru olduğunu bildirib.

Mərhum prezidentin ailə həkimi Aylin Cəsur mətbuata açılqlamasında Süleyman Dəmirəlin yerli vaxtla 02:05-də (Bakı vaxtı ilə 04:05) müalicə olunduğu Ankara Güvən Xəstəxanasında vəfat etdiyini açıqlayıb.

Danışarkən göz yaşlarını saxlaya bilməyən A.Cəsur onun ölkədəki apardığı islahatlardan, gördüyü işlərdən söz açaraq rəhmətlə anıb.
Bundan başqa, o, 20 gündür mərhum prezidentin yanından ayrılmadığını sözlərinə əlavə edib.

Qeyd edək ki, Süleyman Dəmirəl 1993-2000-ci illərdə Türkiyə Cümhuriyyətinin Prezidenti vəzifəsini yerinə yetirib.