Putin Amerika “Raptorları”nı qarşılamağa hazırdır

Rusiya NATO-nun F-22 çox məqsədli qırıcılarının Avropada, xüsusən də Şərqi Avropa və Baltikyanı ölkələrdə yerləşdirilməsinə adekvat olaraq cavab verməyə hazırdır.

Oxu.Az “RİA Novosti”yə istinadla xəbər verir ki, bu barədə Rusiya Federasiyasının prezidenti Vladimir Putin bəyan edib.

“Biz adekvat olaraq reaksiya verəcəyik. İlk öncə, biz baxacağıq hansı addımlar atılacaq və Rusiyanın milli təhlküsəziliyi üçün hansı təhlükənin yaranacağından asılı olaraq müvafiq qaydada onlara cavab verəcəyik”, - prezident deyib.

F-22 “Reptor” (ing. Raptor – yırtıcı quş) – Lockheed Martin, Boeing və General Dynamics tərəfindən F-1 Eagle-ni əvəzləmək üçün hazırlanmış beşinci nəsil çoxməqsədli qırıcıdır.

F-22 silahlanmada olan birinci və bu gün üçün yeganə beşinci nəsil qırıcıdır.

O, həm də dünyada ən bahalı qırıcıdır.