Putin düşmənləri və müttəfiqlərini açıqladı

Rusiya prezidenti Vladimir Putin canlı efirdə Rusiyanın düşmənləri və müttəfiqləri ilə bağlı suala cavab verib.

Oxu.Az RİA Novosti-yə istinadla xəbər verir ki, Putin beynəlxalq terrorizmi və mütəşəkkil cinayətkarlığı düşmən hesab edir.

Prezident qeyd edib ki, “bizim düşmən və dostumuz olmaq fəxrdir”.

“Biz heç kimi düşmən hesab etmirik və heç kimə bizi düşmən hesab etməyi məsləhət görmürük”, - Putin deyib.

Rusiyanın müttəfiqlərindən danışan Putin III Aleksandrın sözlərini yada salıb: “Rusiyanın yalnız iki müttəfiqi var: ordu və hərbi dəniz donanması”.

Prezident BRİKS və ŞƏT təşkialtları və keçmiş sovet ittifaqı respublikaları ilə əməkdaşlığı xatırladıb.

“Heç kimlə müharibəyə hazırlaşmırıq. Müdafiə gücümüzü möhkəmləndirəcəyik”, - o deyib.