Mamuka Areşidze: Putin Bakıdakı inciklikləri unutmayacaq

Bakıda Avropa Oyunlarının açılış mərasimində gürcü heyətinə baş nazir İrakli Qaribaşvili rəhbərlik edirdi. Videodan göründüyü kimi Qaribaşvili Putinlə yanaşı oturub, amma o, Putinə məhəl qoymur, onunla danışmır, heç ona tərəf baxmır da...

AzNews.info Haqqin-a istinadən xəbər verir ki, bu barədə Qafqaz Strateji Tədqiqatlar Mərkəzinin rəhbəri Mamuka Areşidze “Kviris palitra” qəzetinə verdiyi müsahibəsində bildirib.

“Mənə bu faktı şərh etmək çətindir, belə ki, qısa videoyazıya görə fikir yürütmək çətindir, amma Qaribaşvili və Putinin arasında heç bir ünsiyyətin olmamasına dair baş nazirin administrasiyasının bəyanatını da görmüşük. Görüş əvvəlcədən hazırlanmamışdı, bəlkə kim isə bu fürsəti kiçik ünsiyyət üçün istifadə edərdi, amma görünüşə baxılırsa Qaribaşvili bunu lazım bilmədi. Ümumiyyətlə, Putin iqnora qoyulmağı sevmir. Qaribaşvilinin bu jestini unutmayacağı ehtimal edilir”, - Areşidze deyib.