Rusiya səfiri nazirliyə çağrıldı

Çexiya xarici işlər naziri Lubomir Zaoralek Rusiya səfirini nazirliyə çağırıb.

ANS PRESS-in məlumatına görə, səfir 1968-ci ildə Sovet ordusunun Çexoslovakiyaya soxulması ilə bağlı sənədli filmə etirazını bildirilib. Nazirliyin verdiyi məlumata görə, Zaoralek filmin insanlarda yanlış fıkirlər oyatdığını qeyd edib.

Həmçinin xarici işlər nazirliyi bildirib ki, bu film tarixi təhrif etməyə və tarixi həqiqətləri saxtalaşdırmağa çalışır.

Sənədli film Rusiya televiziyasında mayın 1-23 arası nümayiş etdirilib.

Keçmiş Cexoslovakiya 1968-ci ildə keçmiş kommunist rejimində islahatlar aparmağa cəhd edərkən, Sovet rejimi Praqaya ordu yeridərək bunun qaşısını alıb. Həmin hərəkata Praqa baharı deyilir.

Sovet qoşunları bu ölkəni yalnız 1989-cu ildə tərk edib. Filimə görə, ordu Qərbin dəstəklədiyi hərbi çevrilişin qarşısını almaq üçün Praqaya yeridilib.