Qırğızıstanın nazir müavini rüşvətə görə saxlanıldı

Qırğızıstanın Mədəniyyət, informasiya və turizm nazirinin müavini Maqsat Çekiyev 1,6 min dollar həcmində rüşvət verməyə cəhdə görə saxlanılıb, Oxu.Az TASS-a istinadən xəbər verir.

“Çekiyev bizim nazirliyin baş idarələrindən birinin əməkdaşına 92 min som (1,6 min dollara yaxın) rüşvət verməyə cəhd edərkən saxlanılıb”, - Respublikanın DİN mətbuat xidmətindən bildiriblər.

Qeyd edildiyi kimi saxlanılma qanunun bütün normalarına uyğun olaraq, o cümlədən respublikanın baş prokurorluğunun nümayəndələrinin iştirakı ilə aparılıb.

Çekiyev Bişkekin DİDİ (Daxili işlərin dövlət idarəsi) müvəqqəti təcridxanasına yerləşdirilib, Respublikanın DİN mətbuat xidmətindən həbs-qətimkan tədbiri haqqında qərarı məhkəmənin qəbul edəcəyini bildiriblər.