MOSSAD-dan Ayətullah Xomeyninin öldürülməsini istəmişdi

İranda şahlıq dövrünün sonuncu baş naziri Şahpur Bəxtiyar İsrailin kəşfiyyat xidməti MOSSAD-dan İran islam inqilabının lideri Ayətullah Xomeyninin öldürülməsini xahiş edib.

Publika.az xarici mediaya istinadən xəbər verir ki, bu barədə MOSSAD-ın keçmiş agentlərindən olan Yosso Alperin kitabında deyilir.

“İsrailin Orta Şərqdə müttəfiq axtarışı” adlı kitabındakı iddiaya görə, Bəxtiyar 1979-cu ilin yanvarında bir MOSSAD agenti olan Eliezer Tzafrirdən həmin vaxt Fransanın paytaxtı Parisdə yaşayan Xomeynini öldürməsini istəyib. Baş nazir İsrail agentindən istəyinin Təl-Əvivdəki MOSSAD səlahiyyətlilərinə çatdırılmasını xahiş edir.

Alperin yazdığına görə, MOSSAD-ın həmin vaxtkı direktoru Yitzak Hofi Xomeyninin öldürülməsinin etik olmadığını söyləyərək sui-qəsdə icazə verməyib. “Ancaq İran tərəfindən səsləndirilən bu istəyin yerinə yetirilməməsindən peşmanam”, - MOSSAD-ın keçmiş agenti kitabında yazıb.

İddiaya görə, İraq da İran şahı Məhəmməd Rza Pəhləvidən Xomeyninin edam edilməsi üçün İrana gətirilməsini istəmiş, ancaq Tehran Xomeyninin Fransada sürgündə qalacağını deyərək təklifi rədd etmişdi.