Kim Çen In mokasinlə dağa qalxdı – FOTO

Gözlənilməz edam əmrləri ilə dünya gündəmində özünəməəxsus imic yaradan koreyalı diktatorun hərəkətlərindən biri gülüş obyektinə çevrilib.

ANS PRESS-in məlumatına görə, ötən günlərdə Çinlə sərhəddə yerləşən vulkanik Pektusan dağına qalxan Kim Çen Inın zirvədə çəkilən bir neçə fotoşəkli internetdə yayımlanıb.

Yayılan fotoşəkillərdə palto və dəri ayaqqabılarda (mokasin) olduğu görülən Kim Çen Inı xarici mətbuat məsxərəyə qoyub. Bu barədə məşhur “BuzzFeed” portal yazıb.

Portalın yazdığı xəbərdə diktatorun o vəziyyətdə Şimali Koreyanın 2744 metr hündürlüyü olan ən yüksək zirvəsinə qalxa biləcəyinə şübhə ilə yanaşıldığı vurğulanıb.

Daha sonra sosial şəbəkə istifadəçiləri də sözügedən şəkilləri öz səhifələrində yayımlayaraq, “Kim Çen In bunu da bacardı” – kimi rəylər yazıblar.

Qeyd edək ki, bu səfərdə məqsəd liderin bu yerlərdə hərbi manevrləri yenicə başa çatdırmış Koreya Xalq Ordusunun pilotları ilə görüşü olub.