Sarkisyanın partiyası seçkiyə gedir

Keçmiş prezident Serj Sarkisyanın və keçmiş baş nazir Karen Karapetyanın adları Respublikaçılar Partiyasının (RP) seçki siyahısında yoxdur.

Virtualaz.org yerli KİV-ə istinadən bildirir ki, bunu RP Şurasının iclasından sonra jurnalistlərə açıqlama verən keçmiş müdafiə naziri Vigen Sarkisyan deyib.

V.Sərkisyan bir neçə saat davam edən iclasdan sonra verdiyi bəyanatda bildirib ki, Serj Sarkisyan və Karapetyan seçki yarışında iştirak etməyəcəklər: “Partiyanın seçki siyahısı artıq hazırdır, ancaq 14 martda açıqlanacaq. Siyahıya mən rəhbərlik edirəm”.

“Siyahını niyə elan etmirsiniz” sualına isə V.Sarkisyan belə cavab verib: “Ad günü olan gərək vaxtından əvvəl sevinməsin”.

Qeyd edək ki, Ermənistanda növbədənkənar seçki 9 dekabrda keçiriləcək. Seçki təbliğatına isə cəmi bir neçə gün – 26 noyabrdan 7 dekabra qədər vaxt ayrılıb.