Xamenei: Tramp da onlar kimi tarix səhnəsindən silinəcək

ABŞ prezidenti Donald Tramp da sələfləri Buş və Reyqan kimi tarix səhnəsindən silinib gedəcək.

Virtualaz.org yerli KİV-ə istinadən bildirir ki, bunu İranın ali dini lideri Ayətullah Əli Xamenei deyib.

“ABŞ 1979-cu ildən bəri hər gün Tehranda rejimin devrilməsi üçün çalışır. İranlı rəsmilər öz vəzifələrini tam mənasında yerinə yetirəcəyi halda, amerikalıların məğlub olacağına şübhə yeri qalmır. Beynəlxalq razılaşmanı asanlıqla pozan və ictimaiyyətə bunu teatr şousu kimi fəxrlə izah edən hakimiyyətlə anlaşma imzalanmaz. Amerikalılar öhdəliklərinə sadiq deyil. İran isə razılaşmaya sadiqdir”, - deyə dini lider bildirib.

Xamenei onu da əlavə edib ki, Avropa ölkələri gec-tez ABŞ-ın sözünü dinləyəcək və nüvə anlaşmasından çıxacaq.