Gürcüstan İTV Azərbaycan dilində xəbərlər yayımlayacaq

Gürcüstanın İctimai Televiziyası (İTV) may ayından etibarən Azərbaycan və erməni dillərində xəbərlər proqramı yayımlamağa başlayacaq.

APA-nın məlumatına əsasən, xəbər buraxılışları “Rəngarəng Gürcüstan” layihəsi çərçivəsində hazırlanacaq. Xəbərləri İTV-nin rəsmi www.1tv.ge internet səhifəsindən izləmək mümkün olacaq. Azərbaycan və erməni dillərində xəbərlər hər gün saat 20:00-da təqdim olunacaq.

Xəbərlərin Azərbaycan və erməni dillərində təqdim olunmasının əsas məqsədi Gürcüstanda yaşayan azərbaycanlıları və erməniləri ölkədə və dünyada baş verən proseslərlə onların öz ana dillərində məlumatlandırmaqdır.