Xorvatiyanın sabiq müdafiə naziri: "Azərbaycan Qarabağda müharibə hüququna malikdir"

"Azərbaycanın, bütün siyasi imkanlar tükəndiyindən, öz işğal edilmiş ərazilərini hərbi yolla qaytarmağa tam haqqı var. Bu, dövləti xarici təhlükədən qorumağın adi dünya təcrübəsidir".

Bunu virtualaz.org-a eksklüziv açıqlamasında Xorvatiyanın sabiq müdafiə naziri Luka Bebiç deyib.

Onun sözlərinə görə, Xorvatiya, hansı ki, 1990-cı illərin əvvəllərində qanlı münaqişə ilə rastlaşmışdı, başqa dövlətlərin ərazi bütövlüyü probleminə anlayışla yanaşır.

"Azərbaycan Prezidenti İlham Əliyev müdrik xarici siyasət aparır. Azərbaycanın sərhədləri zorla dəyişdirilə bilməz. Əlbəttə, dünya ictimaiyyəti Qarabağ münaqişəsinin sülh yolu ilə nizama salınması üçün bütün səyləri qoymalıdır. Amma əgər bu səylər nəticə verməsə, Azərbaycan işğal edilmiş əraziləri üzərində suverenliyi bərpa etmək hüququna malikdir", - Luka Bebiç deyib.

Onun sözlərinə görə, "dondurulmuş münaqişələr" regional təhlükəsizlik üçün böyük təhlükə olaraq qalır...