Volodin Bakıya növbədənkənar seçkilərdən sonra gələcəyini açıqladı

Rusiya Dövlət Dumasının spikeri Vyaçeslav Volodin Azərbaycana çoxdan nəzərdə tutulan səfərinin yeni mümkün tarixini elan edib. Virtualaz.org Rusiya KİV-lərinə istinadən xəbər verir ki, Volodin 8-9 tarixlərində İranda səfərdə olacağını açıqlayıb. “Bu səfərin məqsədi əvvəllər cənab spiker Əli Laricani ilə görüşlərimizdə əldə olunan razılaşmaların həyata keçirilməsi məqsədi daşıyır”-Volodin deyib.

Rusiya Dövlət Dumasının spikeri Azərbaycana aprelin 11-nə təyin edilmiş növbədənkənar prezident seçkilərindən sonra səfər etmək niyyətində olduğunu bildirib. Dövlət Dumasında deyiblər ki, bu səfərin dəqiq tarixi daha sonra müəyyənləşdiriləcək.