Permyakov növbəti dəfə erməniləri ayağa qaldırdı

Gümrüdə qətlə yetirilən Avetisyanlar ailəsi Şirak vilayətinin prokurorluğuna hücum ediblər.

ANS PRESS-in məlumatına görə, onlarla qohum vilayət prokuroru Raffi Aslanyanın kabinetinə soxularaq, Ermənistanın baş prokuroru Qevork Kostanyanla görüş və ya telefon danışığı tələb ediblər.

Avetisyanların qohumları baş prokurordan onları narahat edən bütün suallara cavab verməsini tələb ediblər.

Son dərəcə həyacanlı olan qohumlar səs-küy salaraq prokurorun kabinetini tərk etməkdən imtina ediblər. Raffi Aslanyan onlara Qevork Kostanyana yazılı şəkildə müraciət etməyi məsləhət görüb.

Qeyd edək ki, bu il yanvarın 12-də Rusiyanın Ermənistandakı 102 saylı hərbi bazasının əsgəri Valeri Permyakov erməni Avetisyanlar ailəsinin 7 üzvünü qətlə yetirib. Permyakov haqqında "fərrarilik" və "qəsdən adam öldürmə" maddələri ilə cinayət işi açılıb.