Rus bazasına erməni hücumu

Ermənistanın Gümrü şəhərindəki Rusiya bazası mühasirəyə hazırlaşır.

ANS PRESS-in məlumatına görə, hərbi bazanın mətbuat xidmətindən yayılmış rəsmi məlumatı şərh edən erməni mətbuatı bu qərara gəlib. Məlumata görə, hərbi bazada çörəkbişirənlər bölməsi formalaşdırılır və onlar gün ərzində 1,5 ton çörək bişirməlidir ki, Ermənistandakı Rusiya poliqonlarında təlim keçən 2 min hərbi qulluqçunu təmin edə bilsin.

“Belə görünür ki, Rusiyanın Ermənistandakı hərbi bazası dağlarda dərin müdafiəyə hazırlaşır və bunun üçün çörəkbişirənlər hazırlayır”, - deyə Ermənimstanın “Lragir” portalı bildirir.

Portalın yazdığına görə, Gümrüdə Avetisyanlar ailəsinin 7 üzvü həlak olduqdan sonra şəhərdən Rusiya hərbi bazasının çıxarılması məsələsi aktuallaşıb. Ermənilər yanvarın 15-də baş vermiş cinayətin Rusiya hərbi qulluqçusu Valeri Permyakov tərəfindən törədildiyini düşünürlər. Hadisə Gümrüdə və İrəvanda Rusiyaya qarşı etiraz aksiyalarının keçirilməsinə səbəb olub.