İtaliyada yeni prezident seçilib

73 yaşlı Sergio Mattarella İtaliyanın yeni prezidenti seçilib.

Bu barədə Oxu.Az Agence France-Presse-ə istinadən xəbər verir.

Yeni dövlət başçısı İtaliya parlamenti tərəfindən ölkənin bütün əyalətlərinin nümayəndələrinin iştirakı ilə seçilib.

Bundan əvvəl Konstitusiya məhkəməsində işləyən Mattarella namizədliyini Demokratlar partiyası tərəfindən irəli sürüb.

Qeyd edək ki, İtaliyanın eks-prezidenti Corcio Napolitano yanvarın 14-də istefa vermişdir.