Azərbaycanlı hakerlər Ermənistanın məxfi sənədlərini ələ keçirdi – VİDEO+FOTO

Azərbaycanlılardan ibarət “Anti-armenia Team” adlı xaker qrupu tərəfindən keçirilən kiber əməliyyatlar nəticəsində ermənistanın dövlət strukturlarına, hüquq-mühafizə orqanlarına məxsus böyük həcmli məxfi informasiyalar ələ keçirilmişdir.
Qrupun mətbuat xidmətindən verilən məlumata görə, həyata keçirilən kiber hücum nəticəsində ermənistanın Milli Təhlükəsizlik Nazirliyinin serverlərinə giriş əldə edilmiş, həmin serverlərdən tam məxfi informasiyalar ələ keçirilmişdir. Əldə olunmuş informasiyalar arasında ermənistana səfər edən bütün xarici vətəndaşlar haqqında məlumatlar da aşkar edilərək götürülmüşdür. Bundan əlavə hakerlər bu informasiyaların arasında ermənilərin Amerika Birləşmiş Ştatların digər ölkələrlə münasibətinə qarışaraq bu ölkələrdəki diplomatları və rəsmi şəxslərinin adına ləkə gətirəcək qara yaxma xarakterli, eləcə də bu şəxslərin fəaliyyətinə başqa don geydirən analitik yazıya rast gəliblər. Nəzərinizə çatdırmaq istəyirik ki, İnformasiya təhlükəsizliyi sahəsində böyük uğurlara imza atmış və dəfələrlə düşmən tərəfini təşfişə salan səs-küylü kiber hücumlar həyata keçirmiş “Anti-armenia Team” 5 ildir müstəqil fəaliyyət göstərən yeganə xaker qrupudur.