ATƏT PA-da Qarabağ münaqişəsi müzakirə ediləcək

Tbilisidə ATƏT Parlament Assambleyasının “25 illik Parlament əməkdaşlığı: dialoq vasitəsilə etimadı möhkəmləndirərək” adlı illik sessiyası başlayır.

Oxu.Az “Sputnik-Georgia”ya istinadən xəbər verir ki, tədbirdə 57 ölkədən 700 nümayəndə iştirak edəcək.

ATƏT-in ilk plenar iclasını Almaniya XİN rəhbəri Frank Valter Ştaynmayer açacaq.

Müzakirə üçün əsas mövzular Dağlıq Qarabağda münaqişə zonasında gərginlik, Gürcüstanda uzanmış münaqişələr, Krımda fundamental azadlıq, Avropada neonasizm və iqlim dəyişikliyi olacaq.