Nazirlik: İrandan Azərbaycana turist sayı dəfələrlə artıb

Son illər ərzində ölkəmiz üçün prioritet turizm bazarı olan İran üzrə təbliğat işinin səmərəli təşkili (HT&T Iran Hotel, Travel & Tourism International Exhibition beynəlxalq turizm sərgilərində iştirak, turizm sənayesi nümayəndələri üçün infoturların keçirilməsinin dəstəklənməsi və s.), elektron vizanın tətbiqi, eləcə də devalvasiyadan sonra xarici valyuta ekvivalentində qiymətlərin ucuzlaşması, həmçinin, İranla Azərbaycan arasında olan ortaq tarixi mədəni dəyərlər (Novruz bayramı, dil, din və etnik cəhətdən yaxınlıq) və coğrafi baxımdan qonşu ölkələr olmağımız bu ölkədən olan turistlərin Azərbaycana səfərini stimullaşdırır.

Bu barədə Oxu.Az-a Mədəniyyət və Turizm Nazirliyindən bildirilib.

Cari ilin ilk beş ayı ərzində İrandan Azərbaycana 74 min 890 nəfər ziyarət edib. Bu da ötən ilin anoloji dövrü ilə müqayisədə 23% artım deməkdir.

Nazirlikdən bildirilib ki, İrandan gələn xarici vətəndaşların səfəri daha çox Novruz bayramına təsadüf etdiyi üçün ən çox artım 87% olmaqla mart ayı ərzində qeydə alınıb.

Qeyd edək ki, 2015-ci ilin yanvar-may ayları ərzindən bu ölkədən Azərbaycana 61 min 96 nəfər ziyarət edib.