Erməni hərbçiləri yol qəzasına düşdü

Yerevanda “Hunday Sonata” markalı minik avtomobili ilə Müdafiə Nazirliyinin “UAZ” markalı avtomobili toqquşub.

Oxu.Az “Novosti Armeniya”ya istinadən xəbər verir ki, qəza nəticəsində “UAZ” avtomobilinin sürücüsü və sərnişinləri ilə birgə ümumilikdə 5 nəfər xəsarət alıb.

Hərbi avtomobilin sərnişinləri “Muratsan” tibb mərkəzinə, mülki avtomobilin sürücüsü isə “Qriqor Lusaroviç” tibb mərkəzinə yerləşdiriliblər.

Yaralılardan birinin vəziyyətinin ağır olduğu bildirilir.