Tramp: Britaniya üçün Aİ-siz daha yaxşı olardı

Böyük Britaniya üçün Avropa İttifaqının tərkibindən çıxması daha yaxşı olardı.

Oxu.Az “Reuters”ə istinadən xəbər verir ki, bu barədə ABŞ prezidentliyinə Respublikaçılar partiyasından namizəd Donald Tramp bəyan edib.

“Düşünürəm ki, miqrasiya Avropa üçün dəhşətli bir şey olub... Mən hətta deyərdim ki, Britaniya üçün Aİ-siz daha yaxşı olardı, amma istərdim ki, onlar özləri qərar qəbul etsinlər”, - Tramp “Fox News”a verdiyi müsahibəsində bildirib.

Böyük Britaniyanın Avropa İttifaqının tərkibindən çıxması barədə referendum iyunun 23-də baş tutacaq.

Daha öncə ABŞ Konqresinin Nümayəndələr palatasının spikeri Pol Rayanın, eləcə də ABŞ-ın sabiq prezidentləri Corc Buş-böyük və Corc Buş-kiçik Trampa dəstək verməkdən imtina etmələrinə dair məlumat yayılmışdı.