Misir Türkiyəni məyus etdi

Misir hökuməti vətəndaşlarının Türkiyəyə icazəsiz getməsini qadağan edib.

ANS PRESS-in məlumatına görə, hökumətin qəbul etdiyi qərarda bildirilir ki, Türkiyə, Qətər, Suriya, İraq, Liviya və Yəmənə getmək istəyən 18 ilə 43 yaşları arasında olan vətəndaşlar səyahət etməzdən əvvəl ölkənin kəşfiyyat orqanından (Emnü əl-Vətən) icazə almalıdır.

Adıçəkilən ölkələrə getmək istəyən misirlilər hava limanında təhlükəsizlik əməkdaşlarına pasportları ilə yanaşı kəşfiyyat orqanından aldıqları sənədi də göstərməlidirlər.

Misir Daxili İşlər Nazirliyinin açıqlamasında bildirilir ki, son 24 saat ərzində 200 nəfərin Türkiyəyə gedişinin qarşısının alınması ilə bağlı yayılan xəbərlər əsassızdır.

Qeyd edək ki, Misir hökuməti iddia edir ki, İŞİD terrorçu qruplaşmasına qoşulan misirlililərin əksəriyyəti Türkiyə və Suriyadan keçir.