Venesuelada dövlət qulluqçuları həftədə cəmi iki gün işləyəcəklər

Venesuelada dövlət qulluqçuları bundan sonra həftədə yalnız iki gün - bazar ertəsi və çərşənbə günü işləyəcəklər, səbəb isə təşkilat və müəssisələrdə elektrik enerjisinin istifadəsinə qənaət etməkdir.

Oxu.Az RİA Novosti-yə istinadən xəbər verir ki, bu barədə çərşənbə axşamı ölkənin vitse-prezidenti Aristobulo İsturis bildirib.

Daha öncə hakimiyyət cümə günlərini qeyri-iş günü elan edib, elektrik enerjisinin verilməsini normalaşdırıb, eləcə də saat əqrəblərini yarım saat irəli çəkiblər, bütün bunlar elektrik enerjisi ilə yaranan böhran vəziyyətini aradan qaldırmaq üçün görülən tədbirlərdir.

“Cümə günlərindən başqa, dövlət sektoru üçün çərşənbə və cümə axşamı günlərini də qeyri-iş günü etmək qərara alınıb, bundan başqa ilkin, orta və baza səviyyəli təhsil müəssisələrində də cümə günü qeyri-iş günü olacaq”, - İsturisanın sözlərini “El Nacional” portalı sitat gətirir.