Balkan savaşı: Serbiya yeni poliqona çevrilir

Serbiyada NATO əleyhinə təşkil edilən mitinqlərdəki iştirakçıların sayı 10 min nəfərə çatıb.

Axar.az xəbər verir ki, bunu Rusiya mətbuatına açıqlamasında mitinqin əsas təşkilatçılarından biri olan serbiyalı siyasətçi Boşko Obradoviç söyləyib. O, mitinq iştirakçılarının hökumətdən təcili referendum keçirilməsini istədiklərini bildirib.

Qeyd edək ki, Serbiya bir müddət öncə NATO ilə əməkdaşlıq haqqında müqavilə imzalayıb. Bu ölkədəki rusiyayönlü qüvvələrin etirazına səbəb olub. NATO əleyhdarları ölkənin Kollektiv Təhlükəsizlik Müqaviləsi Təşkilatı istiqamətində irəlləməsini tələb edirlər. Moskva isə NATO-nun Balkanlarda fəaliyyətinin genişlənməsindən narazılığını gizlətmir. Rusiya xüsusilə Montoneqronun NATO ilə münasibətlərinin sıxlığını dolayı yolla qəbul etmədiyini açıqlayıb.

Ekspertlər Kremlin bu sərt ismarıclarını özünün Avropadakı son dayaqlarını itirməmək uğrunda mübarizə adlandırıblar.