Savçenko 22 il müddətinə həbs olundu

Donetsk məhkəməsi ukraynalı təyyarəçi Nadejda Savçenkonu 22 il müddətinə azadlıqdan məhrum edib.

Oxu.Az TASS-a istinadən xəbər verir ki, o, rusiyalı jurnalistlər İqor Kornelyuk və Anton Voloşinin qətlində təqsirli bilinib.

N. Savçenkonun həbs müddəti tutulduğu gündən - 2014-ci il 23 iyun tarixindən hesablanacaq.

Savçenko həmçinin Rusiya sərhədlərini qanunsuz keçməkdə təqsirli bilinib. Buna görə o, 30 min rubl məbləğində cərimə olunub.