Gürcüstanın sabiq naziri ayağından güllələndi

“Azad demokratlar” müxalif partiyasının liderlərindən biri, sabiq Gürcüstanın Avropaya inteqrasiya məsələləri üzrə dövlət naziri Aleksi Petriaşvili Tbilisidə məzarlıqda yaralanıb.

Oxu.Az İnterfaks-a istinadən xəbər verir.

Gürcüstan DİN-in məlumatına görə, Saburtalinsk məzarlığının ərazisində naməlum şəxslər ona hücum edərək əvvəlcə onu döyüblər, daha sonra isə ayaqlarından güllə ilə vurublar.

Petriaşvili dostu Levan Mikeladzenin məzarını ziyarət edirdi.

Həkimlər Petriaşvilinin vəziyyətini ağır qiymətləndirirlər.

Hücum edən şəxslər hadisə yerindən qaçıblar. Cinayətin motivləri məlum deyil.

Qeyd edək ki, Petriaşvili Avropa və Avroatlantik strukturlarına inteqrasiya məsələləri üzrə dövlət naziri postunu 2014-cü ildə “Azad demokratlar” partiyasına rəhbərlik edən müdafiə naziri İrakli Alasaninin qalmaqallı istefasından sonra tərk edib.