Rusiya Ermənistana 4-cü nəsil qırıcılar göndərdi

Rusiya Ermənistanda yerləşən Erebuni hərbi bazasına 4-cü nəsil MiQ-29 qırıcılarını, təkmilləşdirilmiş MiQ-29S və təkmilləşdirilmiş Mi-8MT nəqliyyat vertolyotunu göndərib.

Oxu.Az İnterfax-a istinadən xəbər verir ki, aviatexnika Krasnoyarsk vilayətindən İrəvan hava limanına hərbi nəqliyyat təyyarələri vasitəsi ilə gətirilib.

Məlumat verilir ki, yaxın vaxtlarda 4+ nəslindən olan döyüş qırıcıları və helikopter mühəndis-texniki heyət tərəfindən yığılacaq və istismara veriləcək.

Pilotlar artıq martın ortalarından qırıcılarda uçuş keçirə biləcəklər.