İsveçdə türk dərnəyinə hücum

İsveçin paytaxtı Stokholmda ötən həftə PKK və PYD-ni dəstəkləyən bir qrupun daşla hücumuna məruz qalan Botkırka türk mədəniyyət dərnəyinə səs bombası atılıb.

Oxu.Az xəbər verir ki, hücum nəticəsində itki olmasa da, dərnəyə böyük ziyan dəyib.

Dərnəyin başçısı İsmayıl Zəngin yerli vaxtla saat 21:00-da törədilən hücum nəticəsində şüşələrin qırıldığını və divarlara zərər dəydiyini bildirib.

Bundan başqa, Türkiyədən gələn kürd əsilli vətəndaşlarla qardaşlıq içində yaşadıqlarını vurğulayan Zəngin kənardan bəzilərinin bu qardaşlığı pozmağa çalışdıqlarını bəyan edib və hər kəsi ehtiyatlı olmağa səsləyib.