Qazaxlar və türkiyəlilər arasında qarşıdurma – VİDEO

Qazaxıstanın Cambul vilayətinin Burıl kəndində çərşənbə axşamı etniklərarası münaqişə baş verib.

Oxu.Az NewTimes.kz-a istinadən xəbər verir.

Asayiş pozuntuları fevral ayını 15-də qəsəbədəki evlərin birində bıçaq yaraları olan qazaxıstanlı oğlanın cəsədinin tapılması ilə başlayıb. Qətli törətməkdə əslən Türkiyədən olan qəsəbə sakinindən şübhələniblər. Fevralın 16-da isə qəsəbə sakinləri şübhəli şəxsin evinə gələrək onun ailəsinin qəsəbəni tərk etməsini tələb ediblər.

Yaşayış məntəqəsinə polislər cəlb edilib. Qazax və türk icmalarının ağsaqqalları danışıqlar aparıb və sakinləri sakitliyə riayət etməyə çağırıblar. Əhali ilə görüşə yerli icra hakimiyyətinin və hüquq-mühafizə orqanı nümayəndələri gəlib. Onlar toplaşan sakinlərdən evlərinə getmələrini xahiş ediblər.

Qətli törətməkdə şübhəli bilinən şəxsin ailəsi başqa yaşayış məntəqəsinə köçürülüb.