Yaponiya da İranı bağışladı

Yaponiyanın xarici işlər naziri Fumio Kisila mətbuat konfransında Yaponiyanın İrana qarşı sanksiyaları ləğv etdiyini bəyan edib, Kyodo agentliyi məlumat yayıb.

Oxu.Az Gazeta.ru-ya istinadən xəbər verir ki, sanksiyaların ləğvindən sonra Yaponiyanın XİN rəhbərinin İrana 2015-ci ilin oktyabr ayında səfəri zamanı razılıq əldə edildiyi investisiyalara dair sazişlərin imzalanması mümkün olacaq.

İki ölkənin bankları filiallar açmaq və valyuta mübadiləsini bağlamaq imkanı əldə edəcək.

Yaponiyanın Yaxın Şərqin ən zəngin neft yataqlarından olan ehtiyatları 26 milyard barel dəyərləndirilən Azadeqan yatağının mənimsənilməsində öz mövqelərini bərpa etməyə çalışacağı gözlənilir.

Yaponiya yatağın işlənməsinə konsensiyanın 75%-ni hələ 2004-cü ildə əldə edib, amma 2010-cu ildə İrana qarşı sanksiyalar yürütdükdən sonra layihədən çıxıb.