İlham Əliyevin Davos zarafatı – VİDEO

Prezident İlham Əliyevin Davos Forumunda OPEK-lə bağlı zarafatı maraqla qarşılanıb.

AzNews.info “Qafqazinfo”-ya istinadən xəbər verir ki, prezident ona ünvanlanan “siz OPEK üzvü olmadan gündəlik 800 min barel neft istehsal edirsiniz. Heç OPEK-lə əlaqə yaradıb, “Azərbaycanda çətinlik çəkirik, bununla bağlı bir şeylər etməliyik” demisinizmi?” sualını cavablandırıb.

Dövlət başçısı qeyd edib ki, bu mövzu OPEK üzvü olan ölkələrlə müzakirənin bir hissəsi olub:

“OPEK üzvləri və böyük qeyri-OPEK istehsalçıları arasında neft istehsalının azaldılması ilə bağlı koordinasiya olarsa, bir nəticə əldə edə bilərik”.

Daha sonra prezident İlham Əliyev yarızarafatla OPEK üzvlərinin hər görüşündən sonra neftin qiymətinin düşdüyünü təəssüflə vurğulayıb:

“Bu səbəbdən də yeni görüşdən ehtiyatlandıqlarını əlavə edib. Bəlkə də, bu görüşü keçirməmək daha yaxşıdır”.

Bu səmimi etiraf Forum iştirakçıları, eyni zamanda prezident tərəfindən də gülüşlə qarşılanıb.