“OPEK addım atmasa, neft 25 dollar olacaq” – SOS

Əgər OPEK hansısa addım atmasa, neftin qiyməti 25 dollara qədərə ucuzlaşacaq.

Axar.az xəbər verir ki, bunu Rusiya mətbuatına açıqlamasında Venesuelanın Neft naziri Yeuloqio Del Pino söyləyib. Onun sözlərinə görə, Venesuela neftin qiymətinin balanslaşdırılması üçün OPEK-ə yeni plan təklif etsə də, hələ buna əməl edən yoxdur:

“Biz bundan sonra qiymətin bazar tərəfindən idarə olunmasına izn verməməliyik. OPEK-in əsas prinsipi neftin qiymətinin çökməsinə reaksiya vermək olmalıdır”.

Qeyd edək ki, OPEK-in növbəti iclası dekabrın 4-də baş tutacaq. İddialara görə, görüşdə neftin qiymətinin idarə olunması məsələsi müzakirə ediləcək. Venesuela hazırda neft ölkələri və dünya üçün ədalətli qiymətin 88 dollar olmasını istəyir.