Koreyanın hərbi gücü açıqlandı

Şimali Koreyanın hidrogen bombası sınağını keçirməsi Qərb ölkələrini narahat edib.

Axar.az xəbər verir ki, məşhur “Biznes İnsayder” jurnalı Şimali Koreyanın hər an bütün dünyaya qarşı istifadə edəcəyi silahlanmasının qısa xülasəsini təqdim edib. Jurnalın yazdığına görə, Şimali Koreya Silahlı Qüvvələri 690 min şəxsi heyətdən ibarətdir. 4.5 milyon isə ehtiyatda saxlanılır.

Quru qoşunlarının sayının çox olmasına baxmayaraq, onlar Sovet dövründən qalma silahlarla təchiz olunub. Şimali Koreya Hərbi Hava Qüvvələrinin balansında ən yeni təyyarələr 80-ci illərin sonunda istehsal olunmuş Miq-29-lardır. Bundan başqa, bu ölkədə keçmiş SSRİ və Çin modellərinin oxşarı olan çoxsaylı zirehli texnika mövcuddur.