ABŞ Rusiyaya qarşı yeni sanksiyalar tətbiq etdi

ABŞ höküməti Rusiyaya qarşı yeni sanksiyalar paketini təsdiq etdi.

Oxu.Az Gazeta-ya istinadən xəbər verir ki, bu barədə ABŞ Maliyyə Nazirliyinin məlumatında bildirilir.

Siyahıya ümumilikdə 34 fiziki və hüquqi şəxs daxil edilib.

Sanksiyalara “VTB” və “Sberbank” banklarının Ukrayna, Qazaxıstan və Avropadakı bir çox törəmə qurumları məruz qalıb.

Yeni siyahıya “VTB” və “Sberbank” banklarının qeyri-hökumət pensiya fondları və “VTB 24” bankı da daxil edilib.

Sanksiyalara həmçinin Qals Development” şirkəti, “Novikombank” bankı, “Aviapriborostroyenie” konserni, “Sovremennıye texnologii”, “Oboronprom”, “Rosoboroneksport” və digər iri korporasiyalar məruz qalıb.

Məhdudiyyətlər “Massandra” şərab zavodu və Yalta kinostudiyasına da şamil edilib.