Davudoğlu: "Heç bir türk şantaj edilə bilməz"

Rusiyanın iqtisadi sanksiyalarından kim zərər görərsə, biz bunu ödəyəcəyik. Sahibkarların hədəf seçilməsi beynəlxalq hüquq normalarına ziddir. Səbirli və soyuqqanlı şəkildə gərginliyin öhdəsindən gələcəyik. Bir türkü əsla şantaj edə bilməzlər.

Axar.az xəbər verir ki, bu sözləri Türkiyə Baş naziri Əhməd Davudoğlu deyib.

“12 il ərzində Rusiya və Türkiyə münasibətləri yüksək səviyyəyə çatdı. Lakin bu münasibətlər nə qədər önəmlidirsə, sərhədlərimizin qorunması da bizim üçün o qədər mühümdür. 2012-ci ildə 2 təyyarəmiz vurulduqdan sonra yeni qaydaları tətbiq etdik və beynəlxalq aləm bunu qəbul etdi. Bu qaydalar istənilən təyyarəyə aiddir. Rusiya hədəfimiz olmayıb. Suriyadakı vəziyyət Rusiyadan çox, bizə təhlükə yaradır”, - deyə Davudoğlu qeyd edib.