Merkel Türkiyədə tıxaca düşdü

Almaniya kansleri Angela Merkel Türkiyəyə gəlib.

Onun baş nazir Əhməd Davutoğlu ilə görüşü artıq başlayıb.

Merkel Türkiyə saatı ilə 13:00-da Dolmabahçedəki ofisə gəlib. Onu girişdə Davutoğlu özü qarşılayıb. İkitərəfli görüş mətbuata qapalı keçirilib.

Qeyd edək ki, Angela Merkelin maşın korteji hava limanından Dolmabahçeyə gələn zaman Haliç körpüsü üzərində tıxaca düşüb. Kansler bir müddət tıxacda qaldıqdan sonra baş nazirlə görüşə gəlib çıxa bilib.