Amerikalı milyarderlər “Əl-Qaidə”nin hədəfində

“Əl-Qaidə” terror təşkilatı tərəfindən nəşr edilən Inspire jurnalının son buraxılışında məşhur amerikalı biznesmenlərə birbaşa hücumlara çağırışlar yer alır, NBC News bildirib.

Oxu.Az xəbər verir ki, hücum planlaşdırılan biznesmenlər siyahısına Microsoft-un təsisçisi Bill Geyts, milyarder Uorren Baffet, Çarlz və Devid Kox, eləcə də Nyu-Yorkun sabiq meri Maykl Blumberq daxil edilib.

Jurnalda həmçinin bu şəxslərin, öz sərmayələrini ölkənin hüdudlarından kənarda realizə etdikləri halda siyahıdan silinmələrinin mümkün olduğu da deyilir. Onlardan həmçinin İsraili dəstəkləməyə qarşı olduqlarını bəyan etmələri də tələb edilir.