Almaniyada mültəcilərin sığınacağı yandırıldı

Almaniya Tübinqen vilayətinin Rotenburq şəhərində mültəcilərə məxsus sığınacaq hücuma məruz qalıb. ANS PRESS-in məlumatına görə, irqçilərdən ibarət naməlum qrup 84 mültəcinin yerləşdirildiyi konteyner şəhərciyini yandırıb. Hücum zamanı 5 nəfərin xəsarət aldığı, mültəcilərin pəncərələrdən çıxaraq xilas olduqları bildirilir. Polis rəsmiləri yaralılardan ikisinin tüstüdən zəhərləndiyini, 3 nəfərin isə pəncərədən tullanarkən xəsarət aldığını, yaralıların xəstəxanada müalicə olunduqlarını bildirib. Yanğının dəqiqsəbəbləri hələlik bilinmir.

Bir müddət əvvəl Almaniyanın cənub-qərb ərazisində yerləşən mültəcidüşərgəsi oxşar hücuma məruz qalmışdı. İyul ayında Remşinqen, avqustda isə Veysaç Talda mültəcilərə aidsığınacaqlar yandırılmışdı. Ötən şənbə günü isə Nekkarqemünddə 50 mültəcinin qaldığı bir bina yandırılmışdı.