Britaniya qapılarını açdı

Böyük Britaniya 15 min suriyalı qaçqını qəbul etməyə hazır olduğunu bəyan edib. Bu barədə ölkədə nəşr olunan "Sunday Times" qəzeti yazır.

Məlumata görə, Böyük Britaniyanın baş naziri Devid Kemeron miqrasiya böhranının tənzimlənməsi planının hazırlanmasına dair göstəriş verib. Söhbət qaçqınların yerləşdirilməsinə dair proqramın genişləndirilməsindən və qeyri-qanuni miqrantların daşınması ilə məşğul olan şəxslərlə mübarizənin sərtləşdirilməsindən gedir.

Bundan əvvəl Devid Kemeron ölkəsinin suriyalı qaçqınlara yardım məqsədilə əlavə 100 milyon funt sterlinq ayıracağını, ölkəsinin artıq 5000-ə yaxın qaçqın qəbul etdiyini açıqlamışdı.